- Reglur um útsenda starfsmenn
- Réttindi útsendra starfsmanna
- Dvalar- og atvinnuleyfi
- Mat á starfsréttindum
- Skráning til VMST
- Skráning til Þjóðskrá
- Almannatryggingar
- Slysa- og sjúkratryggingar
Réttindi útsendra starfsmanna
Útsendum starfsönnum á Íslandi eru tryggð ákveðin réttindi.
Ef þú ert útsendur starfsmaður á Íslandi þá eru þér tryggð ákveðin réttindi samkvæmt lögum nr. 45/2007 um réttindi og skyldur erlendra fyrirtækja sem senda starfsmenn tímabundið til Íslands og starfskjör starfsmanna þeirra. Lögunum er ætlað að tryggja að útlendingar sem hingað koma tímabundið á vegum erlendra fyrirtækja starfi hér á landi með löglegum hætti og njóti þeirra réttinda sem þeir eiga rétt á samkvæmt íslenskum lögum og reglum.
Ert þú útsendur starfsmaður?
- Starfar þú að jafnaði í öðru landi en Íslandi fyrir vinnuveitenda þinn?
- Ertu tímabundið sendur hingað til lands af vinnuveitenda þínum til að veita tiltekna þjónustu fyrir hann?
- Ertu tímabundið sendur hingað til lands af vinnuveitenda þínum til að vinna á starfstöð fyrirtækisins hér á landi eða hjá fyrirtæki í eigu sömu fyrirtækjasamsteypunnar?
- Greiðir fyrirtæki á Íslandi vinnuveitenda þínum fyrir að þú starfir hjá sér, þ.e. er vinnuveitandi þinn starfsmannaleiga?
Ef þú svarar spurningu eitt og einni af spurningum 2-4 játandi ertu líklegast útsendur starfsmaður á Íslandi.
Hin lagalega skilgreining á útsendum starfsmanni
- Með útsendum starfsmanni er átt við starfsmann sem að jafnaði starfar í öðru landi og er sendur tímabundið til Íslands til að vinna á vegum erlends þjónustufyrirtækis í eftirtöldum tilvikum:
- Starfsmaður/menn eru sendir hingað til lands á vegum fyrirtækis og starfar hann undir verkstjórn þess í tengslum við samning við notendafyrirtæki um veitingu þjónustu hér á landi;
- Starfsmaður/menn eru sendir hingað til lands á vegum fyrirtækisins til starfsstöðvar eða fyrirtækis í eigu sömu fyrirtækjasamstæðu hér á landi;
- Starfsmaður/menn eru sendir hingað til lands á vegum fyrirtækis og eru leigðir gegn gjaldi til að sinna störfum á vinnustað notendafyrirtækis undir verkstjórn þess. Hér er átt við um starfsmannaleigu.
Svo að um útsenda starfsmenn geti verið að ræða þá er það skilyrði að það sé ráðningarsamband á milli erlenda fyrirtækisins og starfsmannsins þann tíma sem hann starfar hér á landi.
Réttindi útsendra starfsmanna
Sem útsendur starfsmaður þá átt þú rétt á að starfa á öruggum vinnustað, líkt og aðrir sem vinna á íslenskum vinnumarkaði. Þér eru tryggð ákveðin réttindi hvað varðar lágmarkslaun, yfirvinnugreiðslur, orlof, hámarksvinnutíma og lágmarkshvíldartíma meðan þú starfar hér á landi. Lestu meira um það hér. [1]
Samkvæmt lögum nr. 45/2007 þá gildir meðal annars eftirfarandi löggjöf um starfskjör útsendra starfsmanna um ráðningarsamband hans og hins erlenda fyrirtækis:
- Lög nr. 55/1980, um starfskjör launafólks og skyldutryggingu lífeyrisréttinda, að því er varðar lágmarkslaun og aðra launaþætti, yfirvinnugreiðslur, réttindi til orlofs, hámarksvinnutíma og lágmarkshvíldartíma
- Lög nr. 46/1980, um aðbúnað, hollustuhætti og öryggi á vinnustöðum.
- Lög nr. 30/1987, um orlof.
- Lög nr. 144/2020, um fæðingar- og foreldraorlof, 16. , 49. og 50. gr.
- Lög nr. 95/2000, um fæðingar- og foreldraorlof, 11. , 29. og 30. gr.
- Lög nr. 96/2000, um jafna stöðu og jafnan rétt kvenna og karla
- Lög nr. 47/2003, um eftirlit með skipum, 4. gr.
- Lög nr. 60.1998, um loftferðir, VI. kafli.
- Lög nr. 139/2005, um starfsmannaleigur, að því gefnu að hinn útsendi starfsmaður sé starfsmaður starfsmannaleigu.
Keðjuábyrgð
Innlend fyrirtæki sem nýta þjónustu erlendra þjónustufyrirtækja í byggingastarfsemi eða mannvirkjagerð kunna að bera ábyrgð á vangoldnum launum og öðrum launaþáttum starfsmanna erlendra þjónustufyrirtækja. Innlend fyrirtæki sem nýta þjónustu starfsmannaleigna geta einnig borið sambærilega ábyrgð á vangoldnum launum og öðrum launaþáttum starfsmanna sem leigðir eru af starfsmannaleigu, óháð atvinnugrein
